*******
ثورة شبابك يا مصر
****
إشهد يا عصر إشهدي يامصر
شباب فريد لجيل جديد شباب حر
نهض وقاد المسيرة بعد طول الصبر
ثورة قامت زلزلت رموز القهر
سموها 25 يناير سموها يوم النصر
في حب الوطن إتجمعوا ورفعوا راية مصر
في ميدان التحرير نادي كل حر بصوت هادر
جينا للتغيير و حرية التعبير في كل شبر
وإنت يامصر شاهده علينا فيك ما ندمّر
وما جينا للتدمير، وعهد علينا نبني ونعمّر
بس علشانك لازم نظامك يامصر يتغيّر
وفي يوم غضبنا هجم علينا أشقيا وغيره متأجر
بكل سلاح ضربونا ودم الشهدا سال أبحر
دم طاهر سال في الميدان ما كان عنك يامصر يتأخر
جرحوا الآلاف وقتلوا 300 شهيد ياعيني أو أكتر
في سبيلك يامصر نهون ودم الشهيد عمره ما يهدر
ويوم ما غاب الأمن والشرطة الشباب عن ساعده شمّر
يحمي ويحرس وينظم ويقبض علي كل سجين أو بلطجي كسّر
ورجع الشباب للميدان ومعاهم أطياف وعملوا لهم فيه المقر
وبدأ النظام يسرّح رؤوس الفساد وفي الدستور غيّر
وشكل لجان تتقصي الحقائق ويحاسب كل من دمّر
وحرية الرأي عادت وزائر الليل عمره ما يعمّر
الطوارئ تتلغي ونعيش وبالنا رايق وحرية أكتر
وتتوزع الثروة علي الناس بالتساوي والأجورتكتر
الشعب ينتج في كل مجال ومن إنتاجه نبيع ونصدّر
وترجع لمصر أم الدنيا مكانتها في العالم المتحضّر
وتحية لشبابك يامصر اللي قام واتصدّر
الشعب وحّد كلمته المسلم والمسيحي لرأيه عبّر
وبعد25 يناير صورتك يامصر ياغالية تتغيّر
كرامتك يامصر عادت بعد طول غياب وكلنا فيك بنفكّر
ديموقراطية في حكمك والانتخابات ما عادت هتتزّور
صوتك يامصري حر يعطيه للي يعطيك أكتر
ويخاف عليك واللي يمّسك بعد كده يا ويله منا يكّدر
ونطلب من رب العباد يعذبه في الدنيا وفي الآخرة يسعّر
الحمد لله نجحت ثورة شبابنا وإن شاء الله كل نظام علي شعبه يكبّر
موضوع: ثورة شبابك يا مصر 
الخميس مارس 10, 2011 1:33 pm